کۆمپانیای سپەیس ئێکس ئیدیعای کردووە کە بڕیارەکەی دادگای باڵای بەرازیل “نایاساییە”، بەڵام پابەند دەبێت بە ڕاگرتنی دەستڕاگەیشتن بە پلاتفۆرمی سۆشیال میدیای ئێکس.
کۆمپانیای ستارلینک کە کۆمپانیایەکی مانگی دەستکردە و لەلایەن بەڕێوەبەری جێبەجێکاری کۆمپانیای سپەیس ئێکس و خاوەنی کۆمپانیای ئێکس ئیلۆن ماسک کۆنتڕۆڵ دەکرێت، ڕایگەیاندووە، پابەندن بە فەرمانی دادگای بەرازیل بۆ بلۆککردنی پلاتفۆرمی سۆشیال میدیای ئێکس لە وڵاتەکەدا.
لە پۆستێکی ٣ی ئەیلولدا لە X، ستارلینک ئیدیعای کرد کە بڕیارێکی دادگا بۆ ڕاگرتنی X لە بەرازیل “نایاساییە”، بە ڕوونی ئەلێکساندەر دی مۆراس، یەکێک لە دادوەرەکانی دادگای باڵای وڵاتەکەی کردۆتە ئامانج. لە 30ی ئاب، مۆراس بڕیاریدا کە ئێکس لە بەرازیل ڕابگیرێت، دوای ئەوەی ماسک ڕەتیکردەوە ناوی نوێنەری یاسایی بۆ کارەکانی کۆمپانیاکە لە وڵاتەکەدا بهێنێت — بڕیارێک کە دواتر لەلایەن پانێڵێکی پێنج دادوەرەوە پشتڕاستکرایەوە.
ستارلینک دەڵێت: “سەرەڕای مامەڵەی نایاسایی لەگەڵ ستارلینک لە راگرتنی سامانەکانماندا، ئێمە پابەندین بە فەرمانی ڕێگریکردن لە دەستگەیشتن بە ئێکس لە بەرازیل”. “ئێمە بەردەوامین لە بەدواداچوونی هەموو ڕێگا یاساییەکان، هەروەها ئەوانی دیکەش کە هاوڕان لەسەر ئەوەی کە فەرمانەکانی ئەم دواییەی [مۆرایس] دەستووری بەڕازیل پێشێل دەکەن.”
ستارلینک ڕایگەیاندووە، پێشتر ڕێوشوێنی یاسایی دەستپێکردووە بۆ دژایەتیکردنی فەرمانی دادگا کە هەروەها سەروەت و سامانەکەی لە بەرازیل دەسگیر کردوە.
فەرمانی دادگا لە لێکۆڵینەوەیەکەوە سەرچاوەی گرتووە کە مۆرایس سەرپەرشتی دەکات سەبارەت بەو زانیارییە هەڵانەی کە گوایە لەسەر ئێکس لە دەوری جەیر بۆلسۆنارۆ سەرۆکی پێشووی بەرازیل بڵاوکراونەتەوە. بەگوێرەی دادوەرەکە، دەکرێت ئێکس لە بەرازیل بە ڕاگرتنی بمێنێتەوە تا ئەو کاتەی کۆمپانیای سۆشیال میدیا زیاتر لە سێ ملیۆن دۆلار غەرامە دەدات.
زۆرێک لە بەکارهێنەرانی ئێکس لە سۆشیال میدیادا ڕەخنەیان لە بڕیارەکە گرت و بە زیادەڕۆیی لە دەسەڵات و هەوڵێکە بۆ سەرکوتکردنی ئازادی ڕادەربڕینی بەڕازیلیەکان. هەرچەندە زۆرێک لە بەکارهێنەرانی X کە بنکەکەی لە بەرازیلن ڕایانگەیاندووە کە دەتوانن بە بەکارهێنانی تۆڕە تایبەتە مەجازییەکان (VPN) بچنە ناو پلاتفۆرمەکەوە، بەڵام فەرمانی مۆرایس هەروەها غەرامەی تا 50,000 ڕیالی سەپاندووە – نزیکەی 8,900 دۆلار لە کاتی بڵاوکردنەوەدا – بۆ پابەند نەبوون بە داخستنی X لەلایەن دابینکەرانی ئینتەرنێتەوە لە بەرازیل.
